Jusèp Amiell Solè
Jusèp Amiell Solè (Garòs, Arties e Garòs, Naut Aran, 18 d'abriu de 1930 – Vielha, 17 de deseme de 2024)[1][2] siguèc un sacerdòt e escrivan aranés.
 (2018)  | |
| Biografia | |
|---|---|
| Neishença | 16 d'abriu de 1930 Garòs |
| Mòrt | 17 de deseme de 2024 Vielha |
| Donades personales | |
| Nacionalitat | Espanhòla |
| Religion | Catolicisme |
| Activitat | |
| Profession | escrivan, traductor e Prèire |
| Prèmis | |
| |
Biografia
modificarEstudièc ath Seminari de La Seu d'Urgèl e siguec ordenat sacerdòt eth 1954[3]. A estat rector de Bossòst eth 1973 e de La Pobla de Segur eth 1977. Tradusic ar aranés eth Missau e eth 17 de gèr de 1979 dèc ara capèla deth Pater Noster de Jerusalèm, eth Pair Nòste en aranés. Posterioraments siguec director espirituau deth Seminari Diocesan e eth 1991 siguec nomentat rector de Vielha. Actuauments ei canonge deth Capítol Catedralici der Avescat d'Urgelh[4], eth prumèr aranés escuelhut entad aguest cargue dempús de 1805.
A participat actiuaments ara reviscolada dera cultura aranesa e a estat secretari dera Fondacion deth Musèu Etnologic dera Vau d'Aran, membre deth Patronat deth Musèu dera Vau d'Aran e cofundador dera revista Tèrra Aranesa[5]. Tanben a tradusit ar aranés eth Nau Testamènt (2010) e eth Libre dels Psalmes (2011) e a escrit Gòis des sants veneradi ena val.
Peth sòn trabalh de defensa e promocion der aranés, pera sua normalizacion lingüistica ena liturgia e era vida quotidiana, a arrecebut entre auti guerdons eth Prèmi Lengua Viua eth 2004, en junh 2010 era Medalha d'Aur deth Conselh Generau d'Aran e eth 2012 era Crotz de Sant Jordi[4].
Òbres
modificar- Petit Missau Aranés (1978)
- Crotzes e drapèus istoriques dera Val d'Aran
- Nau Testament (2010)
- Salms (2011)
- Istòria dera Glèisa en Aran (2016)[6]
Referéncies
modificar- ↑ «Era Val d'Aran pèrd a un referent entath territòri, Mossèn Jusèp Amiell Solè» (en occitan). Aue TV, 2024-12-18.
- ↑ «Mos a deishat Mossen Amiell» (en occitan). Jornalet, 2024-12-19.
- ↑ Pàgina der Avescat d'Urgelh
- ↑ 4,0 et 4,1 L'aranès Jusèp Amiell Solè, distingit amb la Creu de Sant Jordi
- ↑ La Creu de Sant Jordi 2012 a Jusèp Amiell Solé, autor de goigs en aranès
- ↑ Istòria dera Glèisa en Aran