Judaïsme ortodòx
Lo judaïsme ortodòx es un corrent dau judaïsme modèrne que compren l'ensemble dei movements qu'assaian de respectar lei precèptes eissits dei lèis divinas escricha e orala coma leis ensenhan la tradicion, lei reflexions de divèrsei teologians istorics (autoŕs dau Talmud, Maimonides, Yosef Karo...) e lei rabins. Es aparegut a partir de la fin dau sègle XVIII en reaccion au judaïsme reformat. Es format de plusors corrents pauc units entre elei (Hassidim, sionistas religiós, ortodòxs estatsunidencs, Haredim[1]) que son principalament installats en Israèl, dins la region de New York e en Euròpa Occidentala. Se caracterizan per lo refús de reconóisser leis autrei formas de judaïsme coma una maniera corrècta de seguir lei precèptes divins, per una maufisança a respècte de la tecnologia modèrna[2] e per lo refús de reconóisser lei conversions au judaïsme acceptadas per lei reformats ò lei conservators. Un nombre important de comunautats ortodòxas refusan tanben de se mesclar amb de personas exterioras, çò que pòu menar a la formacion de quartiers especifics[3]. Enfin, leis autoritats religiosas i tènon un ròtle primordiau car son cargadas de definir l'aplicacion de la lèi dins la vida vidanta.
Liames intèrnes
modificarBibliografia
modificarNòtas e referéncias
modificar- ↑ Certanei comunautats acceptan lo tèrme ortodòx mentre que d'autreis o refusan.
- ↑ Aquela posicion pòu anar d'un refús totau a una utilizacion frequenta quadrada per de lèis religiosas especificas definidas per lei rabins.
- ↑ Dins aquò, en certanei movements, existís tanben d'institucions especialas destinats a raprochar ortodòxs e autrei judieus.