Juan de Zurbarán

Juan de Zurbarán (Llerena, 1620-Sevilha, 1649) foguèt un pintor barròc espanhòl. Èra lo filh del pintor Francisco de Zurbarán e aprenguèt a pénher dins lo talhièr de son paire a Sevilha. Es probable que Juan collaborèsse dins mantuna pintura executadas pel paire coma per exemple la celèbre Natura mòrta amb gèrla e tassas.

Naturaleza muerta con fruta y jilguero, 1639-1640, huile sur toile, 40 x 57 cm, Barcelona, MNAC.

L'influéncia pairala es evidenta dins sas òbras, encara que pòscan aparéisser dins son estil d'influéncias de las mòdas olandesa, lombarda e napolitana.

Se maridèt en 1641 amb Mariana de Cuadros, filha d'un mercadièr ric mas aquesta moriguèt qualque temps aprèp. Lo quite Zurbarán durèt pas fòrça ans a la mòrt de son esposa que se vegèt emportat a 29 ans per l'epidémia de pèsta que s'espandiguèt per Sevilha en 1649