Juan Germán Roscio

Juan Germán Roscio (27 de mai de 1763, San José de Tiznados - 10 de març de 1821, Cúcuta) èra un òme politic e un jurista veneçolan d'origina italiana. Ministre deis Afaires Estrangiers de Veneçuèla en 1810-1811, foguèt un deis autors principaus de la declaracion d'independéncia dau país e de la constitucion de 1811. En 1820, Simón Bolívar li fisèt la vice-presidéncia de la Granda Colómbia e voliá tanben lo nomar a la tèsta dau Congrès. Pasmens, Juan Germán Roscio moriguèt avans aquela nominacion.

Pintura de Juan Germán Roscio realizada en 1913 per Pablo Wenceslao Hernández Zurita.

En 2011, lo parlament veneçolan votèt lo transferiment de son còrs au Panteon Nacionau dau país.

Liames intèrnes

• Granda Colómbia.

Bibliografia

• Marisa Vannini, Italia y los Italianos en la Historia y en la Cultura de Venezuela, Oficina Central de Información (1966).