Joan Guinjoan Gispert

Joan Guinjoan Gispert (Riudoms, Catalonha, 28 de noveme de 1931 - Barcelona, 1 de genièr de 2019[1]) foguet un compositor catalan de musica contemporanèa[2].

Joan Guinjoan Gispert

Biografia modificar

Neishec eth 28 de noveme de 1931 ara poblacion catalana de Riudoms, plaçada ena comarca deth Baish Camp. Estudièc ath Conservatòri Superior de Musica deth Licèu de Barcelona e, posterioraments, ara École Normale de Musique de París. Tanben estudièc composicion, orquestracion e electroacustica.

Agranic es sòns estudis de composicion e fuga damb eth mèstre Cristòfor Taltabull.

Ei, dempús deth 1991, membre dera Reiau Academia Catalana de Bères arts de Sant Jòrdi.

Atau madeish siguec nomentat Chevalier des Arts et Lettres i Officier des Arts et Lettres de França, e eth 1999 li siguec concedit era Crotz de Sant Jòrdi. Eth 29 d'octobre d'aqueth madeish an siguec investit doctor honoris causa pera Universitat Rovira e Virgili.

Ena sua vila natau, Riudoms, er institut d'educacion segondària pòrte eth sòn nòm.

Activitat musical modificar

Enquias ans seishanta actuèc coma concertista de piano, e a compdar d'aqueth moment se dediquèc ara composicion, sustot dempús de préner contacte damb era avantgarda musicau francesa eth 1964.

A dirigit prestigioses orquèstres en Euròpa e America e a arrecebut diuèrsi prèmis, coma eth Prèmi Nacionau de Musica concedit peth Ministèri de Cultura d'Espanha er an 1990 o eth Prèmi Nacionau de Musica concedit pera Generalitat de Catalonha eth 1995, atau madeish siguec finalista ath Prèmi Mondiau deth Disc IRCA (Naua Yòrk).

Eth 3 de noveme de 2004 estreèc ath Gran Teatre deth Licèu de Barcelona, er opèra Gaudí, damb libret de Josep Maria Carandell.[3]

Eth 3 de noveme de 2011 er Auditòri Nacionau de Madrid acuelhec un concèrt d'aumenatge ara sua figura, damb motiu deth sòn 80au anniversari.

Referéncies modificar

  1. Mor el compositor Joan Guinjoan (en catalan)
  2. Biografia ena Gran Enciclopedia Catalana (en catalan)
  3. Por fin, Gaudí (en castelhan)

Ligams extèrnes modificar