Joan Estève

Joan Estève o En Johan Esteve de Bezers en occitan ancian, foguèt un trobador besierenc del sègle XIII. Dins lo sol cançonièr que conten sas onze òbras, es nomenat Olier de Bezers çò que daissa pensar qu'èra benlèu olièr. Sas composicions son datadas entre 1270 e 1288. Son trabalh es piós e religiós mas metricament complèxe amb d'estròfas dificilas (Lo Senhor qu'es guitz n'es un exemple). Escriguèt tres pastorèlas dins l'estil de Guiraut Riquièr.