Jens Christian Skou

Jens Christian Skou

Profession:	bioquimista
País:	Danemarc
Data de naissença:	8 d'octobre de 1918
Luòc de naissença:	Lemvig, Danemarc

Jens Christian Skou (1918) es un bioquimista danés. A recebut lo Prèmi Nobel de Quimia en 1997 per la descobèrta d'un enzim transportaire d'ions, la Na+,K+-ATPase.

Biografia

Jens Christian Skou es nascut en 1918 a Lemvig dins l'oèst de la peninsula de Jutland. Estudièt la medecina a l'universitat de Copenaga e acabèt sos estudis en 1944. Puèi trabalhèt dins de clinicas a Hjørring e a Århus. Passèt son doctorat en 1954 a l'institut de fisiologia de l'universitat d'Aarhus. En 1963, venguèt professor de fisiologia dins la meteissa universitat e i demorèt fins a son éméritat en 1988.

Òbras scientificas

Skou, coma Boyer e Walker, basèt essencialament sas recèrcas suls enzims que catalisan lo trabalh de l'adenosina triphosphate, lo mai grand fornidor d'energia del metabolisme de l'organisme. Se concentrèt essencialament sus la descomposicion de l'ATP mentre que Boyer e Walker se concentrèron sus sa sintèsi per l'enzim ATP synthase.

Ja dins las annadas 1950, Skou cercava un enzim dins la membrana cellulara de las cellulas nervosas, qu'efectua la descomposicion de l'ATP. Remarca un enzim transporteuse, qu'opèra lo transpòrt de substància per la membrana cellulara e per aquò consumís d'ATP. La nommèt la pompa sòdi-potassi, perque transpòrta d'ions potassi e sòdi e vèlha atal a un potencial de repaus estable de la cellula. Poguèt mostrar, que pendent aqueles procediments de transpòrt, descompausa enzymatiquement l'ATP e la transforma en adenosina difosfat (ADP) e fosfat.

En 1997, Skou es laureat de la mitat del prèmi Nobel de quimia de 1997 (l'autra mitat es estada remesa a Paul D. Boyer e a John Ernest Walker) « per la primièra mesa en evidéncia d'un enzim transporteuse d'ions, Na+, K+, -ATPase2 ».