Jean-Baptiste Vuillaume
Jean-Baptiste Vuillaume (Mirecourt, lo 7 d'octobre de 1798 - París, lo 19 de març de 1875) qu'ei lo mei famós deus laütièrs francés deu sègle XIX.
Que vadó a Mirecourt capitala francesa de la laüteria on aprengó deu son pair lo son mestièr. En 1818, que devarè a París entà tribalhar dens los talhers de François Chanot puish, en 1821, en çò de Lette Joseph Dominique dab qui aubrire, en 1824, ua botiga aperada Lette et Vuillaume carrèra Croix-des-Petits-Champs. En 1827 qu'arrcevó la medalha d'argent a l'exposicion mondiau de París e en 1828 qu'aubrí la soa botiga deu 46 carrèra Petits-Champs.
Durant la soa carrièra que copiè mantun instruments e italians mei que mei. Que sabó innova tanben totun e qu'ei l'autor deu màger instrument de còrdas hergada de l'istòria : l'octobassa.
Que ho tanben ua personalitat mondana de la purmèra dens lo París deu sègle XIX en contacte dab los grans artistas e scientifics deu son temps dab qui e miè las soas recercas artisticas e tecnicas de laütièr. Qu'avó justament lo fisician acostic Karl Rudolf Koenig com aprenedís.
Uei lo dia, los sons instruments que son recercats per concertistas deus màgers.
Quauques violonistas qui an avuts de vriulons de Vuillaume
modificar
- Charles-Auguste de Bériot (1802 - 1870) apreciava los sons arquets
- Henri Vieuxtemps (1820 - 1881)
- Camillo Sivori (1815 - 1894)
- Joseph Joachim (1831 - 1907)
- Eugène Ysaÿe (1858 - 1931)
- Joseph Suk (1874 – 1935)
- Jacques Thibaud (1880 - 1953)
- Fritz Kreisler (1875 - 1962)
- Isaac Stern (1920 - 2001)
- Joseph Hassid (1926 - 1950)
- Ruggiero Ricci (1918 -)
- Aaron Rosand (1927 -)
- Cristian Rossi (1948 -)
- André Rieu (1949 -)
- Hilary Hahn (1979 -)
- Pierre Fouchenneret (1985 -)
- Patrice Fontanarosa (1942 -)
- Hélène Collerette
- Olivier Pons (1970 -)
- Nemanja Radulovic (1985-)
- Quatuor Modigliani (2003-)
