Jbel Toubkal
Lo Jebl Toubkal o Mont Tubqal, (en arab, جبل توبقال yabal Tūbqāl; en tamazigt, tizi n'Tubqal), es lo som mai naut de Marròc e de tota l'Africa del Nòrd. Es situat en l'Atlàs, dins lo Parc Nacional de Toubkal e arriba als 4.167 m.
![](http://upload.wikimedia.org/wikipedia/commons/thumb/e/e5/Toubkal-179-notcreative123.jpg/220px-Toubkal-179-notcreative123.jpg)
Es un dels paucs soms del país on se pòt trobar de nèu, que cobrís la majoritat de la cima tot l'an.
Ascension
Nombrosas expedicions vòlon pujar aquesta montanha, situada a uns 60 Km de Marraquèsh e qu'es una de las principalas atraccions toristicas de la zona.
La partença pel som se fa al vilatge d'Imlil, situat a 1800 m d'altitud e òm i pòt arribar en veitura dempuèi Marraquèsh, en direccion del sud, en un pauc mai d'una ora. A Imlil se pòt aver l'ajuda d'un guida e un muòl per pujar l'equipatge fins a un dels dos refugis de montanha que i a a 3200 m d'altitud. Aqueste camin se fa en 5 oras.
La pujada dels refugis sins al suque pren 4 oras. Es una pujada aisida, sens problemas tecnics mas es l'altitud de mai de 4000 m pòt pausar de problemas e pr'aquò avèm d'estar alerta abans de la pujada. Amb la nèu cal utilizar crampons e piolet. Las temperaturas nocturnas son plan baissas fins a la prima e en estiu son plan nautas pendent lo jorn. Per tot aquò cal totjorn far apèl a un guida.