Jardin japonés de Tolosa
Lo jardin japonés de Tolosa es un pargue classificat jardin remarcable de França se situant al nòrd del centre vila de Tolosa en França, dins lo quartièr de Compans-Caffarelli. Aquel jardin foguèt creat en 1981 per segir lo vòl de Pèire Baudis pendent qu'èra cònsol màger de Tolosa. Aviá aimat aquel tipe de jardin pendent de viatges, subretot aquel de Dublin.
Descripcion
modificarAquel pargue de 7 000 m² se situa dins un espaci verd de 10 ectaras en plan còr du quartièr recent de Compans-Caffarelli. Gaireben rare dins una vila miègjornala coma Tolosa, aquel jardin prepausa de varietats botanicas de l'Orient extrèm. Concebut pel burèl d'estudis del servici dels jardins e dels espacis verds coma un luòc de meditacion,s'i tròba un jardin mineral, un pont de futa roge tipicament japonés ligant un illòt que representa alegoricament lo paradís. S'inspira dels jardins creats a Kyoto entre lo sègle XIV e del sègle XVI, correspondent a las epòcas de Muromachi e d'Edo. Es isolat du rèste del pargue mercé a de ridèls de verdura e un puèg li donant d'intimitat. Lo jardin es compausat d'un jardin sèc amb una illa Grua, una illa Tartuga e nòu ròcs, d'un lac, d'un ostalet de tè, e d'un jardin plantat compausat d'una cascada sèca, de passes japoneses, lantèrnas, un pont roge, una illa del Paradís, un mont Fuji e de las pèiras dels tres sants.
S'i trapa tanben un bust de mèstre Taisen Deshimaru, que fondèt de fòça dojòs zen en França dins los ans 1970.
