Jacno
Denis Quilliard, dich « Jacno » es un musician e cantaire francés, nascut lo 3 de julhet de 1957 a París (França) e mòrt lo 6 de novembre de 2009, una referéncia en França de la musica synthpop.
Son chafre de « Jacno » li foguèt balhat pr'amor de sa consomacion de cigarretas de marca Gauloises, sul paquet de lo qual figura lo dessenh d'un casco alat signat pel grafista Marcel Jacno.
Jacno es primièr lo fondator en 1976 d'un dels tot primièrs grops assimilats a la primièra èrsa del punk francés, Stinky Toys, ambe sa companha de l'epòca al cant (en anglés) : Elli Medeiros.
En 1979, Stinky Toys se separa, publica alavetz un primièr album sòlo e coneis pauc de temps après (en 1980) una capitada ambe un tèma synthpop, Rectangle, puèi obten tanben de resson ambe una de sas composicions cantadas en francés per Elli Medeiros : Anne cherchait l'amour. En seguida, Jacno lança alavetz còp-sec lo duò synthpop francés Elli et Jacno. En parallèl, produtz en 1980 lo títol Amoureux solitaires de la cantaira bèlga d'origina portuguesa Lio, una adaptacion synthpop en francés de Lonely Lovers de son ancian grop Stinky Toys. Aquela version foguèt un gròs tube en França a la fin de l'annada 1980, e l'una de las mai gròssas capitadas de Lio, lo 45 torns s'essent vendut a mai d'un milions d'exemplars.
Après la separacion del duò Elli et Jacno en 1984, repren una carrièra sòlo e publica 6 albums de mai entre 1989 e 2006, mas sens granda capitada.
Discografia (en sòlo)
modificar- 1979 : Jacno
- 1989 : T'es loin t'es près
- 1991 : Une idée derrière la tête
- 1995 : Faux témoin
- 1999 : La part des anges
- 2002 : French paradoxe
- 2006 : Tant de temps
Tròces mai coneguts
modificar- Rectangle (1980)
- Anne cherchait l'amour (1980, ambe Elli Medeiros)
- Hymne à ma mauvaise foi (1995)