Jòrgi lo Monge
Jòrgi lo Monge foguèt un cronicaire bizantin dau rèine de l'emperaire Miquèu III (842-869).
Es conegut per sa òbra literària que sa vida es quasi desconeguda. D'efèct, redigiguèt una cronica universala de quatre libres que va de la Creacion a la mòrt de l'emperaire Teofil en 842. Lo premier libre tracta dau periòde d'Adam a Alexandre lo Grand, lo segond de l'istòria santa de l'Ancian Testament e dei filosòfs grècs, lo tresen de l'istòria romana de Juli Cesar a Constantin e lo quatren deis eveniments de la mòrt de Constantin a l'annada 842. Es una fònt istorica importanta per lo periòde 813-842. Lo rèsta dau tèxte es una represa d'autors precedents e son interès principau es d'observar l'avejaire d'un monge bizantin dau sègle IX sus lo passat. La cronica de Jòrgi lo Monge conoguèt un succès important plusors autors ne'n prepausèron de seguidas per lei sègles X e XI.