Isadora Duncan
Isadora Duncan (26 ò 27 de mai de 1877, San Francisco – 14 de setembre de 1927, Niça) es una dançairitz de la fin dau sègle XIX e dau començament dau sègle XX. Influenciada per son fraire Raymond Duncan (1874-1966), revolucionèt la dança de la fin dau sègle XIX per una volontat de retorn a l'ellenisme e au culte dau còrs, çò que menèt a una libertat d'expression pus granda, pus espontanèa e pus naturala. En particular, ausèt s'exibir quasi nuda per realizar de coregrafias laissant una plaça importanta a l'espiritualitat. En mai d'aquò, fondèt plusors escòlas de dança ais Estats Units, en Euròpa e en Russia. Assaièt tanben de s'implicar dins la revolucion sovietica en s'installant dos ans a Moscòu de 1922 a 1924.
