Irkab-Damu

Irkab-Damu es un rei de la ciutat siriana antica d'Ebla. Reinèt durant la segonda mitat dau segle XXIV avC durant 12 ans e moriguèt probable vers 2340 avC. Remplacèt Igrish-Halam († v. 2360 avC) e foguèt remplaçat per Isar-Damu († v. 2320 avC). Son rèine es relativament ben conegut gràcias a la descuberta de tauletas d'argiela conservant sa correspondéncia amb de sobeirans vesins e los renduts-còmptes de son administracion.

A son accession al poder, trobèt una ciutat afeblia per la desfacha d'Igrish-Halam contra Mari, una vila potenta situaa entre Siria e Mesopotamia. En particular, Ebla deviá pagar un tribut regular als venceires. D'un biais generau, Irkad-Damu sembla d'èsser un sobeiran energic que restaurèt la potença d'Ebla, mas son rèine foguèt pereu caracterizat per l'afebliment progressiu de l'autoritat reiala al sen de l'Estat eblaïta amb l'aumentacion creissenta dau ròtle dau visir, Arrukum^[1], dins la gestion dels afaires politics e militars. Las rasons d'aquel afebliment e los ròtles respectius dels dos òmes dins la conducha dau rèine son desconeiguts. Pasmens, durant aqueu periòde, Ebla signèt un tractat de patz amb la vila d'Abarsal^[2] e foguèt pauc a cha pauc en mesura d'arrestar lo paiament dels tributs.

Ligams internes

Bibliografia

Nòtas e referéncias

↑ Los termes « rei » e « visir » son de simplificacions modernas dels títols « ensi » e « lugal » que designavan respectivament lo senhor de la vila e un oficier superior de son administracion.
↑ (en) Stephen C. Neff, Justice Among Nations : a history of international law, Cambridge, Massachusetts, Harvard University Press, 2014, p. 14.

[1] Los termes « rei » e « visir » son de simplificacions modernas dels títols « ensi » e « lugal » que designavan respectivament lo senhor de la vila e un oficier superior de son administracion.

[2] (en) Stephen C. Neff, Justice Among Nations : a history of international law, Cambridge, Massachusetts, Harvard University Press, 2014, p. 14.

[1]

[2]