Infantariá mecanizada
L’infantariá mecanizada es una infantariá equipada de mejans blindats pesucs e qu'utiliza principalament de veïculs de combat d'infantariá (BMP-1, VBCI...), sostenguts per de carris de combat, sus lo prat batalher. Dins lei fòrças armadas modèrnas, una tala unitat ocupa generalament una plaça intermediària entre la division blindada, destinada a rompre lo dispositiu enemic, e la division d'infantariá « pura » encargada de l'ocupacion dau terren gràcias a l'utilizacion de veïculs de transpòrt de tropas.
Lo veïcul de combat d'infantariá es un veïcul armat per permetre lo transpòrt d'un grop de fantassins a proximitat de la linha dei combats. Dispausa generalament d'un blindatge sufisent per arrestar lei projectils deis armas leugieras e dei mitralhièras e un armament capable de tractar una gròssa diversitat d'adversaris (canon mitralhaire de 20 a 30 mm, missils anticarri...).