InSight

InSight (acronim de l'anglés Interior Exploration using Seismic Investigations, Geodesy and Heat Transport ; en occitan : "Exploracion intèrna per los sondatges sismiques, la geodesia e los flús termiques") es una mission d'exploracion de la planeta Mart desvolopada per l'agéncia espaciala americana, la NASA que s'enlairèt lo 5 de mai de 2018 e aterèt a la superfícia de la planeta lo 26 de novembre de 2018.

InSight a la superfícia de Mart (vista d'artista) amb los instruments SEIS e HP3 desplegats sul sòl marcian.

Es la primièra mission entièrament consacrada a l'estudi de l'estructura intèrna de la planeta Mart. Per i arribar, emportèt dos instruments scientifiques : los sismomètres SEIS e HP3, instruments de mesura dels flusses de calor sortits del còr de la planeta. L'objectiu scientific principal de la mission es de melhorar la coneissença de l'estuctura intèrna de la planeta, que las caracteristicas son mal conegudas, dins la tòca de reconstituir l'istòria de Mart. Las donadas collectadas permetràn tanben de melhora los modèls de formacion e d'evolucion de las planetas rocosas del Sistèma Solar Mercuri, Vènus, la Tèrra, Mart aital coma la Luna.