Illas Galápagos

Leis illas Galápagos son un archipèla e una província d'Eqüator que si situan dins lo nòrd-oèst de l'ocean Pacific dau Sud, a la latituda de l'eqüator. L'illa Isabela, la mai vasta, si tròba a quauque 1 102 km a l'oèst dei coastas eqüatorianas. Una distància de 929 km separa lo continent de la mai ourientala deis illas, San Cristóbal. L'archipèla si compausa d'un quarantenau d'illas volcanicas que forman una província d'Eqüator despuei 1832 emé Puerto Baquerizo Moreno coma capitala. S'i tròban lo pargue nacionau dei Galápagos e la resèrva marina dei Galápagos que constituisson un site dau patrimòni mondiau de l'Unesco.

Imatge de satellite deis illas Galápagos.