Iguanid

Los iguanids (Iguanidae) o igüanas fòrman una familha de reptils mièg-arboricòlas, terrèstres o marins, que se noirisson de vegetals e d'insèctes.

Lo tèrme d'Iguanids deriva del nom vernacular igüana el meteis eissit de l'Arawak, del taino o alara del goaxiro. Se seriá impausat en occitan via lo francés via l'italian.

Classificacion

Aquesta familha compren a l'origina de genres e espècias fòrça nombroses. D'estudis menats per Frost e al. en 1989 e 2001 an afinat lo decopatge d'aquela familha, en reduisent significativament lo nombre de genres incluses. Los autres genres son estats desplaçats dins de familhas separadas (Crotaphytidae, Hoplocercidae, Opluridae, Phrynosomatidae, Polychrotidae, Tropiduridae). Aquesta organizacion novèla es mai o mens acceptada segon los autors. D'unes contunhan doncas d'utilizar la classificacion anciana e aquesta familha pòt doncas èsser presentada amb mai de genres.
Per d'unes autors aquestas familhas son consideradas coma de sosfamilas dels Iguanids, que pòrtan los meteisses noms mas amb una terminason en -nae al luòc de -dae (Crotaphytinae, Hoplocercinae, Oplurinae, Phrynosomatinae, Polychrotinae, Tropidurinae). Dins aquestas classificacions los genres çaijós son doncas acampats dins la familha dels Iguanids e la sosfamilha dels Iguaninae.

Schulte e al. a estudiat en 2003 las relacion filogeneticas entre un grand nombre de genres d'Iguanidae (mas pas totes) çò qu'a conduch a construire un arbre de relacion filogenetica que descrivon la proximitat genetica d'aquestes genres (vejatz aqueste arbre PDF sul site de TIGR Reptile Database).

Caracteristicas

Reparticion geografica

Los Iguanidae se rencontran principalament sul continent american, tant plan al nòrd coma al sud, e mai sus d'illas avesinantas nombrosas.

Igüana terrèstra adulta, Yucatan (Mexic).

Son principalament de vegetarians quitament se se noirisson de còps de pichons invertebrats.

Lista dels genres

Igüana marina (Amblyrhynchus cristatus) adulte mascle, Galapagos (Eqüator).

• genre Amblyrhynchus Bell, 1825 - 1 espècia a las illas Galapagos
• genre †Armandisaurus (atudat)
• genre Brachylophus Cuvier, 1829 - 2 espècias a Vanuatu e a las Fiji
• genre Conolophus Fitzinger, 1843 - 2 espècias a las illas Galapagos
• genre Ctenosaura Wiegmann, 1828 - 14 espècias en America del Nòrd e centrala
• genre Cyclura Harlan, 1825 - 10 espècias a las Antilhas
• genre Dipsosaurus Hallowell, 1854 - 1 espècia en America del Nòrd
• genre Iguana Laurenti, 1768 - 2 espècias en America Centrala e del Sud e a las Antilhas
• genre †Lapitiguana (atudat)
• genre †Pumila (atudat)
• genre Sauromalus Duméril, 1856 - 6 espècias en America del Nòrd

Vejatz tanben

Articles connèxes

• los iguanodònts : malgrat la semblança de nom, son de dinosaures, parents dels crocodils e dels ausèls.

Referéncias taxonomicas

• Referéncia TIGR : Iguanidae (en)
• Referéncia ITIS : Iguanidae (fr) (+ version anglesa (en))
• Referéncia Animal Diversity Web : Iguanidae (en)
• Referéncia NCBI : Iguanidae (en)
• Referéncia CITES : familha Iguanidae (mescla francés e anglés) (sul sit de l’UNEP-WCMC)
• Referéncia uBio : Iguanidae (en)

Ligams extèrnes

• Referéncia Fonses documentaris ARKive : Iguanidae (en)

Nòtas

• Portal de la zoologia