Hithlum

Hithlum es una granda region fictiva de Beleriand creada per l'escrivan britanic J. R. R. Tolkien. Es nomenada a Lo Silmarillion e las siá limita geografica son totjorn de montanhas. A occident i a las Montanhas Lomin e al sud e l'èst las Montanhas Wethrin. La region formada per la pròpria Hithlum, al centre, Dor-lomin al sud e Mithrim al sud-èst.

En quenya es nomenada Hisilómë, que, coma en sindarin, vòl dire «Tèrra de Nèbla». L'origina del nom es la nèbla que ven del Mont Thangorodrim, que provocava d'escuritat per tota la region.

Es una region amb una temperatura brica nauta mas plan bèla ont solament i demoravan d'elfs braves, de l'ostal de Fingolfin, rei dels noldor, mas tanben los òmes mai fièrs, de l'ostal de Hador Lorindol.

Hitlum èra plan pròcha a Angbad e pr'açò èra plan atacada e caliá la defensar totjorn. A Eithel Sirion, e fàcia a la fònt del fluvi Sirion, i aviá la fortalesa principala dels noldor, Barad Eithel, e ailà i demorava lo rei de totes los noldor. Aprés la Nirnaeth Arnoediad una granda part d'Hitlhum foguèt envasida per d'òmes orientals, qu'avián traït Maedhros, mas Morgoth enebiguèt sortir d'ailà e totes los elfs e òmes foguuèron faches presonièrs e forçats a trabalhar coma d'esclaus a las minas del nòrd.