Fetge

Lo fetge (var. hetge, hitge) es un organ present a çò dels vertebrats e de mai d'un autre animal. Jòga un ròtle màger dins lo metabolisme e ten de foncions nombrosas dintre lo còrs, coma resèrva de glicogèn, descomposicion dels globuls roges (eritrocits), sintèsi de las proteïnas del plasma e destoxificacion. Aqueste organ es la glandola mai gròssa del còrs uman. Es situat detràs del diafragma dins la region toracica de l'abdomèn. Produtz la bila, un compausat alcalin qu'ajuda a la digestion, per emulsificacion dels lipids. Realiza e regula tanben fòrça reaccions bioquimicas que necessitan de teissuts especializats.

Vista anteriora del fetge (en roge) dins l'abdomèn uman.

Lo tèrme medical que se referís al fetge es hepato- o hepatic, del mot grèc hēpar (ήπαρ).