Hemileia vastatrix

Hemileia vastatrix es una espècia de fonges basidiomicèts de l'òrdre dei Pucciniales. Originària d'Africa Orientala, a colonizat totei lei regions de cultura dei cafeièr franc deis illas Hawaii. Entraïna lo rolh dau cafeièr, una malautiá fongica que se caracteriza per lo desvolopament d'un micèli de color rolh arange sus lei fuelhas de l'aubre. Aquò redutz la fotosintèsi e la creissença de la planta. Se l'invasion perdura, lo cafeièr pòu morir en causa d'una demenicion tròp importanta de son activitat fotosintetica. Pasmens, la màger part dei cafeièrs pòdon se protegir còntra una invasion generalizada gràcias a de mecanismes de mòrts programas dei partidas tocadas per lo fonge.

En causa de seis efiechs sus la fotosintèsi, Hemileia vastatrix pòu redurre considerablament la produccion d'un cafeièr. Aquela malautiá es donc fòrça susvelhada per lei cultivators e es l'objècte de programas destinats a produrre d'espècias mai e mai resistentas.

Liames intèrnes

• Cafè.
• Rolh dau cafeièr.

Bibliografia

• (en) A. C. Kushalappa, Coffee Rust, Milton, CRC Press LLC, 2017.
• (en) Dyanna R. Pereira, Denis H. S. Nadaleti, Eduardo C. Rodrigues, Ackson D. Silva, Marcelo R. Malta, Samuel P. Carvalho e Gladyston R. Carvalho, « Genetic and chemical control of coffee rust (Hemileia vastatrix Berk et Br.): impacts on coffee (Coffea arabica L.) quality », Journal of the Science of Food and Agriculture, vol. 101, n° 7, mai de 2021, pp. 2836-2845.