Helmut Fritz
Éric Greff, nascut en Mosèla còsta Alemanha en 1975 a Forbach,[1] es un cantaire francés. S'es fach conéisser en 2009 en se creant un personatge de cantaire alemand del nom de Helmut Fritz ambe sa cançon umoristica producha e cosignada per Laurent Konrad, Ça m'énerve, que s'es quitament classada numèro 1 del Top singles en França e s'es venduda a 500 000 exemplars.
Los dos autres singles, Miss France e Ça gère (en 2010), an agut tanben un pauc de succès.
Helmut Fritz es una galejada en francés : aquel nom a consonància germanica sona en francés coma les moules frites (los muscles fregits). Éric Greff ditz s'èsser inspirat per son personatge del celèbre grand costurièr alemand conegut per parlar francés ambe un accent alemand improbable : Karl Lagerfeld.[2]
La cançon Ça m'énerve de 2009 es dins la dralha del tube de l'annada precedenta, C'est beau la bourgeoisie de Discobitch : meteis estili musical (musica electronica), meteissa tematica (cançon puslèu risolièra sul mitan borgés parisenc), sustot qu'es lo meteis compositor per aqueles dos tròces : lo discjòquèi francés Laurent Konrad.