Heilongjiang

黑龍江省 Heilongjiang
Sahaliyan ula

Capitau	Harbin
Estat	China
Superfícia	460 000 km²
Populacion	38 300 000 ab. (2009)
Sit oficiau	hlj.gov.cn
Localizacion de Heilongjiang dens la Republica Populara de China

Heilongjiang (黑龍江省 en chinés), Sahaliyan ula ( en manchó), es una província de la Republica Populara de China situada al nòrd-èst del país. "Heilongjiang" vòl dire ‘’riu del drac negre’’, nom chinés del riu Amor. Son caractèr abreviat es 黑 (pinyin: Hēi). Lo nom manchó de la region es Sahaliyan ula ("riu Negre"), del qual deriva lo nom de l'illa de Sakhalin.

Heilongjiang confronta al sud la província de Jilin e a l'oèst la Mongolia Interiora; al nòrd limita amb Russia.

Lo riu Amor marca la frontièra entre la Republica Populara de China e Russia al nòrd. Heilongjiang conten lo punt mai septentrional de China (comtat de Mohe long de l'Amor) e lo punt mai oriental (a jonhent dels rius Amor e Ussuri).

Amb 38 milions d'abitants per 460 000 km², Heilongjiang a una densitat de 81 abitants al quilomètre carrat, contra 136 en mejana en China. Qualques 95 % de la populacion aparten a l'etnia han, la pus importanta de China. Diferentas minoritats son tanben presentas sus lo territòri, dont los tongoses (manchó 1,04 milions, Hezhen, 3910, Ewenkis, 2706), los coreans al sud-èst (390000), e mongòls (majoritat mongola, 140000, Oroqen, 3871)…