Gui de Montfòrt-Castras
Gui de Montfòrt (mòrt lo 31 de genier de 1228) èra lo fraire de Simon IV de Montfòrt e un nòble francés que participèt a la Quatrena Crosada e a la Crosada deis Albigés. Refusant de participar ais operacions còntra Constantinòple en 1203-1204, anèt ai Luòcs Sants per sei mejans pròpris ambé son fraire. Sa valor militara impressionèt lo rèi de Jerusalèm qu'assaièt d'obtenir sei servicis d'un biais definitiu e li permetèt de se maridar ambé la comtessa de Sidon. Gui i obtenguèt lo títol simbolic de còmte de Sidon car l'eiretier vertadier èra lo fiu de sa frema eissit d'un premier maridatge. Pasmens, durant la jovença d'aquel eiretier, Gui dirigiguèt lo comtat coma regent fins a 1210.
| Nom | (fr) Guy de Montfort-Castres  |
|---|---|
| Biografia | |
| Naissença | sègle XII França |
| Mòrt | 31 de genièr de 1228 (Gregorian) Varilhas |
| Carrièra militara | |
| Conflicte | Tresena Crosada, Quatrena Crosada e Crosada dels albigeses |
|
| |
| Autres | |
| Conjunt | Helvis de Ibelin (ca)  Brienda de Beynes (ca) |
| Descendéncia | Felip de Montfort (ca) (  Helvis de Ibelin (ca) )Alícia de Montfort (ca) ( Brienda de Beynes (ca) )Agnès de Montfort (ca) ( Brienda de Beynes (ca) )Florència de Montfort (ca) ( Helvis de Ibelin (ca) )Pernelle de Montfort (ca) ( Helvis de Ibelin (ca) )Guiu de Montfort (ca) ( Brienda de Beynes (ca) ) |
| Maire | Amícia de Beaumont (ca) |
| Paire | Simó III de Montfort (ca) |
| Fraires | Simon IV de Montfòrt e Peronella de Montfort (ca) |
 | |
A aquela data, rintrèt en Euròpa per ajudar son fraire Simon dins la conquista deis estats Trencavèl e tolosencs. Luòctenent principau de son fraire puei de son fiu Amalric VI de Montfòrt après la mòrt de Simon en 1218, participèt a la màger part dei campanhas fins a la desfacha finala dei Montfòrt en 1224. En 1226, decidiguèt de tornar venir en Occitània ambé la Crosada Reiala. Foguèt tuat au sètge de Varilhes.
