Grop 5 de la taula periodica

Lo grop 5 de la taula periodica, de còps dich familha dau vanadi, es l'ensemble deis elements quimics contenguts dins la cinquena colona de la classificacion periodica deis elements, es a dire lo vanadi, lo niòbi, lo tantal e lo dubni. Son de metaus de transicion que son puslèu electropositius e que pòdon aisament participar a la mesa en plaça de liasons de coordenacion. Lo vanadi a una quimia relativament desvolopada amb la possibilitat de formar de compausats amb leis estats d'oxidacion +II, +III, +IV e +V. Pasmens, leis estats +V son pus estables. Lo niòbi e lo tantal an una quimia quasi unicament basada sus l'estat d'oxidacion +V. Lo dubni es un element radioactiu fòrça instable qu'existís pas dins la natura. Sei proprietats quimicas son mau conegudas.

Periòde	Element quimic		Numèro atomic	Familha d'elements	Configuracion electronica
4	V	Vanadi	23	Metau de transicion	[Ar] 4s2 3d3
5	Nb	Niòbi	41	Metau de transicion	[Kr] 5s1 4d4
6	Ta	Tantal	73	Metau de transicion	[Xe] 6s2 4f14 5d3
7	Db	Dubni	105	Metau de transicion	[Rn] 7s2 5f14 7p1

Liames intèrnes

• Element quimic.
• Taula periodica.