La gripa espanhòla designa una forma de gripa H1N1 a l'origina d'una epidemia murtriera de 1918 a 1920.

Fotografia d'un espitau militar estatsunidenc dedicat ai victimas de la gripa.

L'origina de la malautiá es desconeguda. China es sovent citada coma region d'aparicion mai aquò es incertan e contestat. Lei premiers cas ben atestats son identificats dins de cas militars estatsunidencs de Kansas en març de 1918. Fòrça contagiós, lo virüs se difusèt en Euròpa en abriu. Pasmens, en causa de la censura militara liada a la Premiera Guèrra Mondiala (1914-1918), l'epidemia demorèt secrèta dins la màger part dei país europèus. Per aquela rason, la malautiá foguèt dicha « espanhòla » car, dins aqueu país, la premsa èra liura de'n parlar. Après aquela data, plusors ondas epidemicas aguèron luòc fins a l'ivèrn de 1919-1920.

Segon leis estimacions actualas, au mens 50% de la populacion umana dau periòde, siá 500 milions de personas [1], foguèt tocada per lo virüs. Lo nombre de victimas es estimat entre 50 e 100 milions amb una proporcion importanta de personas de mens de 45 ans.

Liames intèrnes modificar

Bibliografia modificar

  • (fr) Laura Spinney (trad. Patrizia Sirignano), La Grande tueuse : comment la grippe espagnole a changé le monde, Albin Michel, 2018.
  • (fr) Freddy Vinet, La grande grippe : 1918, la pire épidémie du siècle : histoire de la grippe espagnole, Vendémiaire, coll. « Chroniques », 2018.

Nòtas e referéncias modificar

  1. (en) Jeffery K Taubenberger e David M Morens, « 1918 Influenza: the mother of all pandemics », Emerging Infectious Diseases, vol. 12, n° 1,‎ genier de 2006, pp. 15-22.