Great Hucklow

Great Hucklow^[1] es un vilatjòt e una parròquia civila^[2] del comtat de Derbyshire, dins la region dels Midlands de l'Est en Anglatèrra (Reialme Unit).

Great Hucklow
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas

Butter Cross (monument que senhalava tradicionalament l'airal del mercat).
Geografia fisica
Coordenadas	53° 17′ 49″ N, 1° 44′ 02″ O
Altituds · Mejana	(vilatge) 315 m
Geografia politica
Estat	Reialme Unit
País	Anglatèrra
Geografia umana
Populacion (?)	427 ab.
Autras informacions
Site web de Great Hucklow.

Se tròba dins lo pargue nacional de Peak District ^(en), entremièg los borgs de Tideswell e Bradwell.

Lo vilatge a un centenat d'estatjants, mas l'ensemble constituït pel recampament de las parròquias de Great Hucklow, Foolow, Grindlow e Little Hucklow ne compta 427 (segon lo recensament de 2011)^[3].

La localitat es a 315 mètres d'altitud. Se situa a 18 Km de Buxton ^(en), 27 km de Sheffield, 51 km de Manchester e 265 km de Londres.

Economia

País de pasturals, ont paisson vacas e fedas, la contrada es mai que mai agricòla. Çaquelà, lo vilatge a tanben una pichona activitat industriala, de mercé sa mina de fluorita, proprietat de la societat British Fluorspar Ltd.

Lo campèstre de Great Hucklow.

Cultura

Pendent unes quaranta ans, Great Hucklow s'empresèt de sa tropa de teatre, fondada en 1927^[4]. Joguèron, notadament, Lo Mercadièr de Venècia de William Shakespeare.

Ten una escòla d'ensenhament primari aital coma doás capèlas : una es unitariana (data de 1696) e l'autra metodista (bastida al sègle XIX)^[5].

Great Hucklow es embessonat dempuèi 2010 amb Parisòt, vilatge roergat de Tarn e Garona, en França^[6].

Espòrts e lésers

L'aerodròm de Great Hucklow, pincat sul planòl de Camphill a 390 mètres d'altitud, es avodat al vòl a vela. L'activitat es bailejada, dempuèi 1935, per l'associacion Derbyshire and Lancashire Gliding Club. Los penjals escalabroses del site permeton de practicar, tanben, lo parapenta e lo deltaplana.

De mai, dins tot Peak District, son en pesièra los afogats d'escalada, espeleologia, escorreguda, canotatge, ciclisme o equitacion.

Planaire a Camphill en 1948.

Nòtas e referéncias

↑ Lo toponim ven de l'ancian anglés Hucca hlāw que significa : lo tumulus de Hucca. Cf. (en) Key to English Place-Names.
↑ Es l'equivalent administratiu d'una comuna.
↑ (en) Office for National Statistics, resultats del denombrament de 2011.
↑ Lawrence du Garde Peach ^(en) (1890-1974), autor dramaturg originari de Sheffield, s'agradava a promòure lo teatre amator e engimbrèt aquela tropa.
↑ Aicesta foguèt transformada en burèus en 1999.
↑ Las doás localitats son alunhadas de 1360 km.

Galariá

Pub The Queen anne.

Bòria.

Ostal d'estil georgian.

Sorsa

Aqueste article es parcialament eissit d'una traduccion de l'article de Wikipèdia en anglés intitolat Great Hucklow.

Ligams extèrnes

(en)Derbyshire and Lancashire Gliding club, club de vòl a vela de Camphill (Great Hucklow).
(en)The Nightingale Centre, establiment unitarian (al còr del vilatge), albèrga conferencièrs e vacancièrs.

Portal del Reialme Unit

[1] Lo toponim ven de l'ancian anglés Hucca hlāw que significa : lo tumulus de Hucca. Cf. (en) Key to English Place-Names.

[2] Es l'equivalent administratiu d'una comuna.

[3] (en) Office for National Statistics, resultats del denombrament de 2011.

[4] Lawrence du Garde Peach ^(en) (1890-1974), autor dramaturg originari de Sheffield, s'agradava a promòure lo teatre amator e engimbrèt aquela tropa.

[5] Aicesta foguèt transformada en burèus en 1999.

[6] Las doás localitats son alunhadas de 1360 km.

[1]

[2]

[3]

[4]

[5]

[6]