Gorg de l'Uèlh Dotz
Lo gorg de l'Uèlh Dotz es una dolina o cenòte situat sus la comuna de Fluris dins lo massís de la Clapa, e lo departament d'Aude. Es constituit de nautas parets calcàrias (40 m) e verdejantas que dominan l'estenduda d'aiga verda esmerauda.
Istòria modificar
L'aiga de l'avenc es salabrosa: la salinitat, mas tanben lo nivèl, vàrian amb la pluviometria e los movements de la mar (distant de sonque 1 500 mètres). La prigondor es de 15m mai o mens sus un fons de blòcs rocoses. Las exploracions nombrosas an pas mostrat cap de sortida de galariá penetrabla.
La legenda de l'Uèlh Dotz (tautologia constituida d'uèlh e dotz, font) conta que divèrses vaissèls aurián ensajat de penetrar dins la tuta de l'avenc per'mor de determinar lo luòc ont l'uèlh posa dins la mar, mas cap de las embarcacions partidas n'es pas jamai tornada. Aital, la font de la Uèlh Dotz rèsta totjorn indeterminada
Luòc protegit modificar
Per i accedir, cal estacionar lo veïcul siá al parcatge del Domeni de l'Ostalet e seguir lo camin pedestre cap al corral, siá al parcatge del gorg situat a la rota que va de Fluris a Sant Pèire de Mar.
Los banhs, en aquel luòc protegit (zòna de conservatòri del litoral), i son enebits perque son perilhoses.[1] Totun, aquelas nòrmas pas totjorn son seguidas e fòrça personas s'i banhan e i cabusson.[2][3]
Galariá fotografica modificar
Film modificar
Lo gorg de l'Uèlh Dotz apareis al film Lo Gojat de tempèsta, de Jérôme Foulon filmat l'an 1996.
Nòtas e de referéncias modificar
- ↑ La baignade interdite depuis 1996 à l'Œil Doux sur France3.fr, publié le 29/07/2012, consulté le 29/05/2013
- ↑ Coursan.
- ↑ https://www.ladepeche.fr/article/2014/06/24/1906408-toulousain-blesse-grievement-plongeant-oeil-doux.html
Vejatz tanben modificar
Articles connèxes modificar
Ligams extèrnes modificar
- Ficha sus un luòc de submersion sosterranha
- Ficha de l'Ostalet al siti del Conservatòri del litoral