Gorg de Tasana
| Gorg de Tasenat | ||
 |
||
| Administracion | ||
| País |  França
|
|
|---|---|---|
| Geografia | ||
| Coordenadas | 45° 58′ 48″ N, 2° 59′ 28″ E | |
| Tipe | Lac naturau | |
| Origina | Volcanica | |
| Superfícia | 30 ha |
|
| Altitud | 713 m | |
| Idrografia | ||
| Alimentacion | Fluviala, pluviala | |
| Emissari(s) | Fluviau | |
modificar  |
||
Le gorg de Tasenat (o gorg de Tasenac) z-es un lac de cratèr o estanh d'origina volcanica situat a l'extrème nòrd de la Linha daus Puèis[1].
Situacion
modificar
Se tròba a una vintena de quilomètres au nòrd-oèst de Riam, a 5 km au nòrd-èst de Manzat e a 2,5 km au sud de Charbonèiras las Vèlhas. z-Es defendut de lai nadar.
Topografia
modificarLe cratèr a una plondor de 66 m (o de 80 m en tenent compte daus sediments) e un diamètre de 700 m en mejana. Un chaminon de 2,8 km fai le torn de l'estanh entre bòsc e ròcs.
Geologia
modificarS'agís d'un maar, un cratèr volcanic produit per una explosion freatomagmatica. Se formèt fai 29 000 ans aumens, segon l'estudi daus sediments. Après l'arrèst de l'activitat eruptiva le gorg se rempliguèt progressivament d'aiga provenent dau riu de Ròcha Aguda, que rajava près dau volcan.
Fauna
modificarLa fauna aqüatica se compausa mai que mai de pèrchas, de bechets, de carpas, de pèrchas solelh, de peissons blancs Rutilus rutilus, de trueitas, de saumonids Salvelinus alpinus, d'anguilhas, de chambres e de medusas d'aiga doça Craspedacusta sowerbyi.
- ↑ Johannes Baier: Das Vulkanfeld Chaîne des Puys. In: Aufschluss 72 (6), S. 310–321, 2021.