Lo golf de Bengala (en Bengalin: বঙ্গোপসাগর, Purba Samudra) es una mar que forma la partida del nòrd-èst de l'Ocean Indian. En forma de triangle, es enquadrada a l'èst per la peninsula indochinesa, e a l'oèst pel soscontinent indian. Al nòrd del golf, se tròba l'Estat indian del Bengala Occidental e de Bangladèsh, d'ont li ven son nom. A sas extremitats meridionalas, se tròba l'Illa de Sri Lanka a l'oèst, e lo territòri indian de las Illas Andaman e Nicobar a l'èst.

Ciclon tropical sul Golf de Bengala
Illa de Sant Martin dins lo Golf de Bengala

Una granda partida dels flumes principals d'Índia s'escampan dins lo golf de Bengala: al nòrd, Ganges (o Ganga), Meghna e Bramapotra, e dins lo sud Mahanadi, Godavari, Krishna (Kistna) e Kaveri.

Los Sundarbans son una mangròva qu'ocupa lo dèlta de Ganges, de Bramapotra e de Meghna. Iraoadi, flume de Birmania s'escampa tanben dins la baia de Bengala.

Los principals pòrts indians sul golf son Chennai, l'anciana Madras, Visakhapatnam, Calcuta e Pondicherry.

Ligams extèrnes modificar