Glèisa de Nòstra Dòna del Taur
Segon la legenda, la glèisa de Nòstra Dòna del Taur, a Tolosa, foguèt bastida al luòc precís que lo còs de Sant Sarnin se desliguèt del taure que lo trainava enrè. La glèisa es situada dins la carrièra del Taur entre la Plaça del Capitòli e la Basilica de Sant Sarnin.
 | |||||||||
| Donadas | |||||||||
|---|---|---|---|---|---|---|---|---|---|
| Tipe | Glèisa | ||||||||
| Construccion | sègle XIV  | ||||||||
| Dedicat | Maria | ||||||||
| Caracteristicas | |||||||||
| Estil | Gotic miègjornal | ||||||||
| Campanar de paret | | ||||||||
| Localizacion geografica | |||||||||
| Estat | França | ||||||||
| Division territoriala francesa | França metropolitana | ||||||||
| Region francesa | Occitània | ||||||||
| Departament | Nauta Garona | ||||||||
| Comuna francesa | Tolosa | ||||||||
| Localizacion | 12 Rue du Taur | ||||||||
 | |||||||||
| monument istoric catalogat (1840) | |||||||||
| Activitat | |||||||||
| |||||||||
| Site web | basilique-saint-sernin.fr… | ||||||||
modificar  |
|||||||||
Istòria de la Glèisa
modificarSant Sarnin èra lo primièr evesque de Tolosa. D'en primièr un oratòri foguèt installat pels pelegrins sul luòc exacte de sa mòrt.
Las rèstas del sant i demorèron fins a 402, quand foguèron transferits a la basilica de Sant Sarnin. Malgrat los 150 ans del còs, la legenda ditz que lo fum de monde aimèt l'« odor suava » de las rèstas de sant Sarnin. Segon Roma, es una de las caracteristicas d'un sant.
La glèisa que vesèm foguèt bastida sus l'oratòri al sègle XIV. La verge representada es Nòstra Dòna dels Barris, menada dempuèi la plaça Vilanovèla (actuala plaça Wilson) en 1783.
Arquitectura de la glèisa
modificarL'exterior d'aquela glèisa es fòrça pertocant. Encastrat dins la linha dels ostals, la faciada es un grand mur de bricas que fa pensar a una fortalesa, e amaga tot la rèsta de l'edifici. Es un exemple pels campanars murs de la region, presenta de fenèstras campanairas subremontadas d'arcs de mitra e abriga un campanar de paret[1] de 13 camapanas.
La faciada donant dins la carrièra del Taur data dels sègles XV e XVI e es dins la tradicion del gotic miègjornal.
Los tresaurs
modificar- una estatua de Nòstra Dama dels Barris , sègle XVIII
- una pintura de Bernard Bénézet, sègle XIX representa lo martiri de sant Sarnin.
- una pintura de Bernard Bénézet, sègle XIX representa la mòrt de sant Josèp.
- una genealogia de Jacòb de 38 figuras, sègle XIV.
-
-
-
Nòstra Dama dels Barris , sègle XVIII -
Genealogia de Jacòb de 38 figuras, sègle XIV -
L'orguena
modificarLa glèisa abriga una orguena de 40 jòcs d'Eugène Puget; foguèt inaugurada lo 17 de junh de 1880 per Alexandre Guilmant.
