Sètge de Gergòvia
|
Sètge de Gergòvia
| |
|---|---|
 | |
| Informacions generalas | |
| Data | 52 avC |
| Luòc | |
| Eissida | Victòria cèlta |
| Belligerants | |
| Revòuta dei tribús cèltas de Gàllia | Republica Romana |
| Comandants | |
| Vercingetorix |
Juli Cesar |
| Fòrças en preséncia | |
| 30 000 òmes | 24 000 òmes |
Dins la vila galla de Gergòvia, qu'es uèi una localitat d'Auvèrnhe (en francés Gergovie, en latin Gergovia), lo sètge de Gergòvia se debanèt en 52 avC entre lei fòrças dei tribus cèltas de la revòuta de Vercingetorix e aquelei dau generau roman Juli Cesar. S'acabèt per una victòria cèlta.
Après la victòria romana d'Avaricum (Borges), que confirmèt la validitat de son estrategia, Vercingetorix capitèt de reconstituir sei fòrças gràcias a l'extension de sa revòuta e de renforçar sa posicion coma cap dei tribus revoutadas. L'objectiu de Cesar èra donc de vencre lo cap cèlta sus lo sieu territòri per rompre sa revòuta. Capitèt de blocar Vercingetorix dins l'oppidum fòrça ben protegit de Gergòvia. Pasmens, sa temptativa d'assaut foguèt replegada per lei defensors e la region venguèt perilhosa a causa de l'arribada de renfòrç cèltas. Menacèron lei linhas d'avitalhament de Cesar amb d'efectius fòrça superiors ai Romans e lo generau roman preferiguèt se retirar.