Gatineau

Gatineau es una vila de la província de Quebèc, en Canadà. Es la quatrena vila en importància de Quebèc amb una populacion de 273 915 abitants. Situada en riba nòrd del riu Ottawa, de cara a la vila d'Ottawa la vila s'estend a l'èst e a l'oèst del riu Gatineau. Es la vila pus importanta de la region administrativa d'Outaouais e forma, amb Ottawa, la region metropolitana d'Ottawa-Gatineau, qu'es la quatrena aglomeracion de Canadà, aprèp Toronto, Montreal e Vancouver.