Galobet
Lo galobet o flaütet es un instrument tradicionau de Provença. Es una mena de flaüta de tres traucs que se pòt jogar amb una sola man laissant ansin l'autra libra per jogar dau tamborin de Provença.
Lei tres traucs permeton de produrre 4 nòtas amb intervaus d'un ton, un autre ton e un mieg ton (1-1-1/2), çò que permet pas d'interpretar una gama cromatica completa.
L'acòrd es en Si, Sib (sonat lo ton d'Aubanha e associat amb Marselha e Tolon), ut o la.
E mai se lo galobet es associat amb la cultura provençala, fa partida de la familha dei flaütas de tres traucs coma sa version bearnesa, lo Txistu basco e la flaüta de tres traucs barròca (acordada amb diferéncias de ton de 1-1/2-1 tons).
