Gòri

Gòri (en georgian: გორი), es una vila dau centre de Georgia situada a la confluéncia dei rius Liakhvi e Kura. Fondada per lo rèi georgian David IV (1089-1125), foguèt una importanta fortalesa durant l'Edat Mejana. Après l'annexion de la region per Russia au començament dau sègle XIX, recebèt l'estatut de vila. Durant lo periòde sovietic, venguèt un centre industriau e sa populacion aumentèt. En despiech d'una crisi economica grèva dins lo corrent deis ans 1990, agantava aperaquí 50 000 abitants en 2014.

Gòri გორი
Fotografia de Gòri dempuei la fortalesa..
Bandièra Armas
Geografia fisica
Coordenadas	41° 58′ 01″ N, 44° 06′ 00″ E
Geografia politica
País	Georgia
Mkhare	Shida Kartli
Geografia umana
Populacion (2014)	48,143 ab.
Autras informacions
www.gori-municipality.ge/

La vila es dominada per la fortalesa medievala de Goristsikhe. A proximitat se tròba l'anciana vila trogloditica d'Oplistsikhe e la gleia d'Atenis Sioni, que data dau sègle VIIen.

En aost de 2008, durant la segonda guèrra d'Ossetia, foguèt bombardada e ocupada per lei fòrças armadas russas.

Gòri es tanben conegut per èstre lo luòc de naissença dau dictator sovietic Iòssif Stàlin, de l'engenhaire Alexander Nadiradze e dau filosòf Merab Mamardashvili.

Galariá

• 
  La fortalesa de Gòri en 1642, per lo missionari italian Cristoforo di Castelli
• 
  Gòri vist de l'Estacion espaciala internacionala
• 
  L'ostau de vila d'estil estalinian

Personalitats ligadas amb la vila

Estatua de Stàlin davant l'ostau de vila de Gòri, tirada en 2010 e tornar mesa en plaça en 2013.

• Iòssif Stàlin (1868-1953) politic, dictator.
• Alexander Nadiradze engenhaire
• Merab Mamardashvili filosòf