Gérard Blanc
Gérard Blanc èra un autor, compositor e cantaire francés nascut còsta París lo 8 de decembre de 1947 a Boulogne e Billancourt (França). Es estat tanben un pauc actor (dins los filmes Les Bidasses en folie en 1971, Les Bidasses en vadrouille en 1979 o encara Nettoyage à sec en 1997).
En 1971, intègra lo grop ròck francés Martin Circus que se fan conéisser en França amb dos títols, Je m'éclate au Sénégal (en 1972) e Ma-ry-lène (en 1975), adaptacion francesa de la cançon en anglés Barbara Ann popularizada pel grop american The Beach Boys en 1965.
Martin Circus se separa oficialament en 1988 sonque, mas en realitat Gérard Blanc a mentretant entamenat una carrièra en sòlo amb ja una immensa capitada populara tre 1987 per son títol Une autre histoire, vengut dempuèi l'una de las cançons emblematicas de las annadas 1980 dins los païses francofòns. Aurà en seguida qualques autres tubes coma per exemple Du soleil dans la nuit en 1988.
Pendent una efemèra reformacion de Martin Circus en 2001, enregistra una represa de Antisocial, la cançon culte del grop de hard ròck francés Trust.
Lo paure Gérard Blanc defuntèt subte lo 25 de genièr de 2009 a París.[1]
Cançons mai conegudas modificar
- Je m'éclate au Sénégal (1972, Martin Circus)
- Ma-ry-lène (1975, Martin Circus, adaptacion francesa de Barbara Ann dels Beach Boys)
- Une autre histoire (1987)[2]
- Du soleil dans la nuit (1988)
- Sentiment d'océan (1988)
- Tonton bâton (1989)
- Dis tout bas, dis (1989)
- Je saurai que c'est toi (1990)
- Plus le temps (1991)