Mustela putorius

(Redirigit dempuèi Furet)


Lo pudre o puditz es un mamifèr que son nom scientific es Mustela putorius; aparten a la familha dels mustelidats.

Descripcion fisica modificar

Lo pudre mesura de 35 a 45 cm (fins a 60 cm amb la coa), la femèla es pus pichòta que lo mascle. Lo mascle pesa entre 1 e 1,5 kg, la femèla solament de 500 a 600 g. A un pelatge brun sorne a brun negre. Es pus sorne d'estiu que d'ivèrn.

Costumas de vida modificar

Es nocturne, mas lo podèm veire de còps lo jorn. Lo pudre es silenciós, furtiu e discret. Dins la jornada dormís dins sa tuta. Monta rarament als arbres, mas nada fòrça plan. Viu dins las planas, los camps, los prats. Cava sa tuta dins de vièlhas garenas o dins una ròca tapissada amb de mossa. Sos predators son lo tais, los rainals, los martres, los chòts grand duc.

Noiridura : Se noirís de batracians, peisses, reptils, insèctes, vèrs e tanben de frucha en auton.

Reproduccion modificar

L’acoplament a luòc entre febrièr e abril. Probable que lo mascle estimula l’ovulacion. Aprèp una gestacion de 41 a 42 jorns, la femèla dona naissença a una portada annala de tres o quatre pichòts.