Francés del Missorí
Lu francés del/dau Missorí, apelat maitot Paw Paw French, es un dialècte francofòne autre còp parlat dins de larjas seccions de l'Estat american dau Missorí dempuei l'epòca de la Novela França e de la Loïsiana francesa. Uei, es subretot concentrat dins lu comtat de Sainte-Geneviève[1].
Un tesmonhatge de 1930 dau cherchador american W.M. Miller raconta que queu dialècte era enquera parlat per 'na pita partida de la populacion de Vieille Mine (Old Mines), prep de la vila de Potosi dins lu sud-est de l'Estat. Los abitants s'eran establits dins la region en 1785 e avian reussit a evitar lu fenomèn d'anglicisacion pendent mai d'una generacions consecutivas. Mas, coma per lu francés cadian, queu dialècte figuet de nombros emprunts lexicaus e sintaxics a l'anglés[2].