Frédérique Vidal

Frédérique Vidal
Frédérique Vidal en 2019.
Foncions
Ministra de l'Ensenhament superior, de la Recerca e del Novelum
En foncion dempuèi lo 17 de mai de 2017
President	Emmanuel Macron
Primièr ministre	Édouard Philippe
Predecessor	Najat Vallaud-Belkacem
Biografia
Luòc de naissença	Mónegue
Diplomat de	Universitat de Niça-Sofia-Antipolis

Frédérique Vidal, nascuda lo 6 de mai de 1964 a Mónegue, es una femna politica e bioquimista francesa.

Presidenta de l’universitat de Niça-Sofia-Antipolis de 2012 a 2017, es nomenada Ministra de l'Ensenhament superior, de la Recerca e del Novelum dins lo govèrn d'Édouard Philippe jos la presidéncia d'Emmanuel Macron lo 17 de mai de 2017.

Biografia

Originas e estudis

Frédérique Vidal estitulària d'una mestresa de bioquimia a l'universitat Niça-Sofia-Antipolis, d'un diplòma d’estudis aprigondidas (DEA) a l'Institut Pasteur e sosten sa tèsi de doctorat en sciéncias biologicas e fondamentalas aplicadas a l'universitat de Niça-Sofia Antipolis en 1993 sul tèma de la regulacion de l'expression genica en foncion del cicle cellular e del contraròtle de la division cellulara pendent lo desvolopament precòç de l'embrion de mirga amb una pròva de doas novèlas interaccions ADN - proteïnas.

Carrièra scientifica

Comença sa carrièra dins la recerca e developament dins lo privat e trabalha un an pel grop Virbac, entrepresa farmaceutica veterinària. Especialista en genetica moleculara, se qualifica a las foncions de mèstre de conferéncias a l'universitat Niça-Sofia-Antipolis en 1994, puèi a aquela de professora de las universitats en bioqumia, biologia moleculara e cellulara en 2002.

Carrièra administrativa e politica

De 1999 a 2003, es membra exteriora del conselh scientific de l'Institut nacional de recerca medicala.

D'abril de 2012 a mai de 2017, es presidenta de l'universitat Niça-Sofia-Antipolis. Amb aquel títol, es al conselh d'administracion de l'observatòri de la Còsta d'Azur.

A partir de 2013, es trasaurièra de la Coordinacion de las Universitats de Recerca Intensiva Francesa (CURIF), qu'un dels objectiu es de "far coneisser melhor als decideires politics e economics e als líders d’opinion lo ròtle e las activitats de las universitats de recerca intensiva."

Lo 17 de mai de 2017, ven Ministra de l'Ensenhament superior, de la Recerca e del Novelum dins lo govèrn d'Édouard Philippe jos la presidéncia d'Emmanuel Macron.