Ford 3-Ton M1918
Lo Ford 3-Ton M1918 es un carri leugier concebut per Ford a la fin de la Premiera Guèrra Mondiala per l'armada estatsunidenca. Destinat a s'adaptar ai règlas de produccion taylorista de Ford, èra armat d'una mitralhièra Browning 1917 ò d'un canon de 37 mm. Pasmens, leis assais mostrèron un blindat pauc adaptat ai realitats dau prat batalhier e la produccion foguèt limitada a 15 exemplaris. Lo Ford 3-Ton M1918 veguèt jamai lo combat, mai quauqueis exemplaris foguèron transformats en tractors d'artilhariá per de canons de 75 mm.
