Flux piroclastic
Un flux piroclastic es una mescla cauda (de 300 °C a 800 °C) de gases, cendres e fragments de ròcas que se desplaçan pels pendisses d'un volcan durant una erupcion de tipe explosiu. Pòdon aténher los 200 km/h e se produson quora se collapsa lo front d'un flux de lava. Lo volum pòt èsser de qualques centenats de mètres cubes entrò a un milièr de quilòmetres cubes, mas normalament passan pas detz quilòmetres cubes.
Los flusses piroclastics son formats de doas parts: lo flux basal, que se manten prèp del sòl e conten los fragments pus grands, e la nívol de cendra que s'enauça en dessús del sòl. Son especialament perilhoses perqué devastan completament la zona que s'i desplaçan. Per exemple, la famosa erupcion del Vesuvi de l'an 79 d.C. devastèt Pompèi e Herculan amb los flusses piroclastics eissits del volcan.
