Eurycleidus

Eurycleidus arcuatus ein un reptil marin escantit dera familha des plesiosaures. Demorèc pendent eth jurassic inferior (hè d'aperaquí 200 milions d'ans). Es sues despulhes fossils an sigut trapades en Lyme Regis, en Anglatèrra.

Descripcion

Aguest plesiosaure hèia 4 m de longada e se pensa qu'ère un predator poderós. Avia quate aletes e un cran damb granes dents ponchudes. Eth còth non ère long coma eth d'autes plesiosaures mès òc qu'ère mès long qu'eth dautes pliosaurids. Era coa qu'ère cuerta.

Classament

Richard Owen descriguèc en 1840 eth fossil olotipe damb eth nom Plesiosaurus arcuatus mès en 1994 Cruickshank lo classèc coma un genre pròpi. Es caracteristiques deth fossil deishen pas saber s'era sua forma ère era d'un plesiosaure o un pliosaure, damb còth cuert e cap gran. Es uassi dera part posterior deth cran hèn pensar en un plesiosaure mès es dents granes anteriors son tipiques d'un pliosaure. Probablaments qu'ère ua forma intermieja coma Archaeonectrus.

Eth fossil mostra un grad petit ena fusion des uassi deth cran; segontes Cruickshank açò vò díder qu'eth fossil ei eth d'un especimèn joen. Se fosse atau un especimèn adult haria plan mès de 4 m de longada.

Bibliografia

· Cruickshank A R I, 1994. A juvenile plesiosaur (Plesiosauria: Reptilia) from the Lower Lias (Hettangian: Lower Jurassic) of Lyme Regis, England: A Pliosauroid-plesiosaurid intermediate? Zool.Jour.Linn.Soc. 112:151-78.