Eugénie Bastié

Eugénie Bastié, nascuda en novembre de 1991 a Tolosa (Occitània), es una jornalista occitana de lenga francesa al Figaro e a Causeur, redactritz en cap de la revista Limite (fins a 2019). Es venguda una abituada dels platèls de la cadena de television francesa CNews, tant coma de la cadena Histoire.

Eugénie Bastié

Sovent qualificada de reaccionària o de filha espirituala d'Éric Zemmour, a viscut son enfància a Pibrac dins la banlèga oèst de Tolosa. Son paire es paisatgista e sa maire es mètge ; es l'ainada de 5 mainatges. Foguèt escolarizada en pension dins lo licèu privat catolic de Leitora, en Gasconha.

Se fa remarcar per sos articles al moment dels debats sul « maridatge per totes » en 2013, mentre qu'es estudianta (dempuèi 2009) a Sciéncias Po, a París, e escrich per Causeur, la revista fondada per Élisabeth Lévy ; fa en seguida un estagi remarcat al Figarovox, ont dintra en 2015.

Comença una carrièra d'autora per d'escriches sus la question feminista ambe la parucion en 2016 de « Adieu Mademoiselle », e en 2018 d'un segond obratge, « Le Porc émissaire : Terreur ou contre-révolution », a prepaus del movement #Metoo (Ieu tanben, en occitan).

A la dintrada de 2021, remplaça parcialament a la television francesa Éric Zemmour a son emission « Face à l'info » sus CNews. Participa tanben a « Place aux idées » lo dissabte.