Estanh dau Vacarés
L'Estanh dau Vacarés (Estang dóu Vacarés en nòrma mistralenca), escais nomat de còps en Camarga la Grand Mar, es un estanh situat dins lo dèlta de Ròse, en Camarga.
Es lo luòc ont se debana l'istòria de la bèstia dau Vacarés, òbra famosa de Josèp d'Arbaud.
Descripcion
modificarL'estanh fa una superfícia de 65 km², e una prigondor de mens de dos mètres. Es l'estanh pus au nòrd e tanben pus grand de Camarga, e constituís l'element principau dins lo sistèma de contraròtle de l'aiga dau dèlta de Ròse, que depend d'una gestion estricta dei ressorsas, mercé a d'estacions de pompatge, d'irrigacion e de drenatge que forman un malhum complèxe de canaus e robinas a travèrs lo dèlta.
L'estanh es tanben un luòc important per la nidificacion e lo manjar deis aucèus migratòris, e lo sèti d'una populacion de becaruts. Amor de l'importància deis aucèus sauvatges, l'estanh dau Vacarés e lei paluns a l'entorn son aparats coma resèrva naturala despuei 1927, e en 1972 fuguèt incorporat dins lo Pargue Naturau Regionau de Camarga.
