L'esquí acrobatic es una forma d'esquí que compren sièis disciplinas que las quatre primièras son presentadas als Jòcs olimpics d'ivèrn: lo saut, las bòças, l'esquícross, lo half pipe, las bòças en parallèl e lo balet[1]. L'esquí acrobatic integrèt la Federacion internacionala d'esquí en 1979[2].

Istòria modificar

Dins los ans 1920, l'alemand Fritz Rauel inventa de figuras d'esquí a l'imatge d'aquesta del patinatge artistic. Publica en 1929 un recuèlh de las novèlas possibilitats d'esquí, o aquestas tecnicas son descrichas e illustradas[3].

Mas es sonque a partir dels ans 1960 qu'aquesta forma d'esquí ven al vam: d'un costat sul continent nòrdamerican ont d'espectacles (exhibition) son organizats amb d'espròvas de sauts e de bòças e d'un autre sul continent europèu ont d'esquiaires codifican e realizan de vertadièras competicions.

La copa del mond es creada en 1976, disputada entre afogats d'aqueste espòrt, puèi tres ans mai tard en 1979, la FIS intègra aquestas competicions dins son programa. En 1985, la FIS decidís de crear los campionats del mond ont la primièra edicion se dabana a Tignes en 1986.

Après aver estat espòrt de mòstra als Jòcs olimpics d'ivèrn de 1988 a Calgary, quatre d'aquestas disciplinas son fin finala admesas al programa olimpic a partir de 1992: l'espròva de las bòças en 1992, lo saut acrobatic en 1994, l'esquícross en 2010 e lo half-pipe en 2014.

Competicion modificar

 
Finala del concors olimpic de saut acrobatic en 2010.
  • Jòcs olimpics (depuis 1988).
  • Campionats del mond (oficialament dempuèi 1986).
  • Copa del mond (oficialament dempuèi 1980).

Cada competicion es disputida individualament.

Disciplinas modificar

 
Espròva d'esquíross a las Contaminas en 2010.

Se destrian las disciplinas seguentas:

  • lo saut acrobatic es una disciplina olimpica dempuèi 1992, que demanda de grandas qualitats gimnicas. Après s'èsser lançat amb esquís sus un dels trempolins ennevat (penjal de 67 degrés) de tres a quatre mètres de naut, a mai de 10 mètres de naut, lo sautaire executa de rotacions aerianas amb un o de sauts perilhoses e de virons. Es jutjat per una jurada segon de critèris precises: l'amplitud e la forma del saut e la recepcion. Los punts son multiplicats per un coeficient en foncion de la dificultat del saut previst. Lo sautaire deu realizar dos sauts;
  • las bòças, disciplina olimpica dempuèi 1992. L'espròva se debana sus una pista de 250 mètres (de 24 a 30 gra de penjal) cobèrta de bòças de 1 mètre de naut e largas de 40 centimètres. La pista compren tanben 2 trempolins plaçats a 1/3 e 2/3, ont l'esquiaire realiza un saut acrobatica. Una jurada dona als competitors una nòta qu'es lo resultat d'una addicion de punts premiant la velocitat, la tecnica d'execucion e los dos sauts acrobaticas;
  • las bòças en parallèl: disciplina qu'a los mèsmes paramètres que la precedenta mas se disputa en dual;
  • l'esquícross es una disciplina olimpica dempuèi 2010. Mai sovent, quatre esquiaires se lançan al mèsme temps per se disputar la primièra plaça sus un percors penjat e sinuós inclusissent de sauts, viradas levadas e bòças
  • lo half-pipe es una disciplina olimpica dempuèi 2014. Los esquiaires fan una seria de sauts e de figuras dins una estructura nevosa se presentant jos la forma d'un miègtube constituit de doas longas parets de nèu de forma redonda que se fan front e se jonhent a lor basa. Son jutjats per una jurada sul gra de dificultat e d'execucion de las figuras e la nautor dels sauts;
  • lo balet (o acroesquí): l'esquiaire realiza des figuras sus un tèma musical sus una pista de 30 mètres de larg, 200 mètres de long, en penjal de 11 a 16 gras. aquesta disciplina es pas pus presenta als campionats del mond d'esquí acrobatic dempuèi 1999. La Federacion internacionala d'esquí a pas mai organizat una competicion oficiala après l'an 2000.

Nòtas e referéncias modificar

  1. Le ballet est aussi appelé acroski.
  2. Présentation du ski acrobatique sur www.olympic.org
  3.  {{{títol}}}. ISBN 9782207124840.