Durença : Diferéncia entre lei versions

Durença es principalament polluida per lei regets urbans e per lo complèx industriau de [[Castèu-Arnós e Sant Auban|Sant Auban]] (produchs quimics e [[alumini]]) fondat en [[1916]] per sostenir l'esfòrç de guèrra. Dins lo corrent deis ans 1920 e 1930, totei lei residüs de produccion, compres lei [[fanjas rojas]], èran dirèctament gitats dins lo riu. D'accions son en cors per restabir una bòna qualitat d'[[aiga]] dempuei leis ans 1970. Aquò a permés certanei progrès mai la demenicion dau debit complica la situacion car entraïna una concentracion dei polluents.

Uei, lei pollucions son subretot importantas dins la vau mejana ambé l'apòrt de produchs quimics a partir de l'usina de [[Castèu-Arnós e Sant Auban|Sant Auban]] e d'[[idrocarbur]]s a partir dei rius passant dins l'aglomeracion de [[Gap]]. La reproduccion dei pes es ansin mau assegurada dins mai d'una zòna d'aquela partida de Durença. En revènge, dins lei vaus auta e bassa, la situacion es relativament ben mestrejada.