Enigma (maquina) : Diferéncia entre lei versions

L''''Enigma''' èra una maquina portabla creada per [[criptografia|encriptar]] e desencriptar de messatges. Mai precisament, l'Enigma èra una familha de maquinas electromecanicas de rotòr, que la primièra foguèt creada per [[Arthur Scherbius]], e que se ne faguèt puèi mantun modèl. L'Enigma foguèt emplegada comercialament dempuèi las annadas 1920. Las armadas e los servicis governamentals [[Alemanha|alemands]] tanben l'utilizèron. La version mai famosa d'aquesta maquina es la que fasiá servir la [[Wehrmacht]] abans e durant la [[Segonda Guèrra Mondiala]]. Malgrat que los alemands pensavan que son còdi èra inviolable, los aliats capitèron de ne trobar la [[Clau (criptografia)|clau]] subretot gràcias al matematician anglés [[Alan Turing]], e aital poguèron deschifar maites messatges.