Lo '''bebop''' (o bop) es un estil de [[jazz]] caracterizat per de [[Tempo (solfegi)|tempos]] rapids e una [[improvisacion]] basada mai sus l'estructura [[Harmonia|armonica]] que sus la [[Melodia|melodia.]] Foguèt desvolopat al començam e a la mitat dels ans quaranta del [[Sègle XX|sègle]] XX. L'[[Hard bop]] n'es pas qu'una evolucion posteriora que combina lo bebop amb lo [[blues]] e lo [[Gospel|gospel.]] Los sieus principals creadors serián entre autras, [[Thelonious Monk|Thelonius Monk]], [[Charlie Parker]], [[Max Roach]] e [[Dizzy Gillespie|Dizzy Gillespie.]]. Cronologicament ven après lo [[swing]] e abans lo [[Cool jazz|cool jazz.]]
<nowiki> </nowiki>Al començament dels ans 40, lo swing se trobava dins una endrona. D'en primièr creat pels musicians negres aquela tendéncia foguèt lèu assumida per de musicians blancs ([[Glenn Miller]], [[Benny Goodman]]...). Lo fach de jogar en [[Big band|big bands]] limitava fòrça la durada e la libertat pendent los [[Solo (músicamusica)|solos.]] Après las prestacions en big band los musicians negres demoravan dins çò que nomenavan las [[Jam session|jam sessions]] per far espelir lor creativitat dins de longs solos en ritmes furioses.
Lo bebop cambièt l'estructura de las bandas redusent lo nombre d'interprètas e en mermant doncas lo pes instrumental de las seccions de vent e apondent la [[Bateria (instrument musical)|batariáBateriá]] e de [[Guitarra baisha|bassas]] al rèsta dels instruments. D'un autre costat lo bebop èra una musica mai complèxa, insistissent sus l'interpretacion de diferents ritmes de biais frenetic e l'improvisacion sus las estructuras armonicas, desplacèt l'interpretacion nuda e cruda de la melodia. Totas aquelas caracteristicas demandan una interaccion dinamica entre los diferents membres del grop, se destacant individualament mercés als solos que podián durar una bona partida dels tèmas.
Lo bebop acampava los marginals de la societat de l'epòca (poètas, artistas, traficants de drògas e proxenetes). Lo bebop a una estrecha relacion amb lo movement [[Beatnik|beatnik.]] La majoritat de las criticas apreciavan pas gaire aquel nòu estil.
