[[Imatge:Blason du comté de Foix.svg|thumb|left|100px|Blason dels Comtes de Fois.]]
[[Image:Chateau Foix.jpg|thumb|right|250px|Lo [[castèl]] de Fois.]]
[[Fichièr:Territòris dau còmte de Fois 2.png|thumb|right|Territòris de Ramon Rogièr de Fois coma vassauvassal daudel rèirei d'Aragon (jaune) e vassauvassal daudel còmtecomte de Tolosa (verd) en [[1209]].]]
Lo '''País de Fois''', que tanben se sona istoricament lo o la '''[[Comtat]] de [[Fois]]''' (pronóncia<small>pron.</small>: [ˈfujs], o mai localament [ˈfujʃ]<ref>L'ortografia oficiala e englobanta es ''Fois'' segon la nòrma d'Alibèrt, e non pas ''Foish''.</ref>), es una pichona region d'[[Occitània]] que s'intègra dins la granda region culturala de [[Lengadòc]], e mai se foguèt longtemps una província distinta de Lengadòc (s'èra constituit al començament per la fusion del [[comtat de Carcassona]] amb la senhoriá de Fois). Foguèt un comtat occitan independent creat al [[sègle X]] per lo comte [[Bernat Rogièr de Fois]], que venguèt après província dins l'organizacion [[França|francesa]] del Regim Ancian. Uèi es entièrament dins lo departament d'[[Arièja (departament)|Arièja]].
Lo País de Fois tanben se pòt considerar coma un gròs [[parçan]] que fedèra sièis pichons parçans: [[Agarnagués]], [[Donasan]], lo [[País de Fois-Seron]], [[Pedagués]], [[Savartés]] e lo [[Vic de Sòs]].
