Leonce Verny

François Léonce Verny, naissut lo 2 de decembre 1837 à Aubenàs (Ardecha) e mòrt lo 1er de mai 1908 a Pònt d'Aubenàs, fuguèt un engenhaire francés que bailejèt lo bastiment de l'arsenau de Yokosuka, ajudant ansinta Japon d'acomençar sa modernisacion.

Escolan a Politecnica (promocion 1856), engenhaire d'engeni maritime a Brest, realiza, en 1864-65 sota la demanda dau shogun, que cerca lo sostenh de França, un bèl arsenau a Yokosuka, promiers chantiers navaus modèrnes de Japon. Lo sovenir de Verny demorèt : son estatua exista encara sus lo pòrt de Yokosuka e la ciutat festeja cada annada sa memòria en novembre.

Au tornar de Japon, baileja lei Minas de Roche-la-Molière e Firminy en janvier de 1877 e li demòra finco setembre 1895 avans que de ne venir l'admenistraire. Ne faguèt la promiera companhia dau bacin de léger e desenvelopa una politica pairenala. A son sèti a la Cambra de comerci de Sant-Estève (1881-1900) que n'es lòngtemps lo secretari (1883-1896) e reçaup la Legion d'onor.